ساعات الواحد بيحس انه بيتعامل مع حد معين بقلب قاسي ..
مش عشان هو قلبه قاسي ...
لكن عشان هو أجبره على كده .. !!
و المشكله .. انه ممكن يكون بيتعذب من جوّاه ...
و هو بيعامله بالاسلوب ده ... !!
رغم إن القلب القاسي ده تصرفه بيبقى تجاهل و بس ..
(مع العلم الـ حد التاني بيعمل نفس التصرف رغم انه غلطان)
بس يمكن لان القلب ده مـ اتعودش على كده ...
فـ بيعتبر نفسه قاسي ... !!
و للأسف بيرجع يدوس على كرامته فـ الآخر ...
و بيرجع يكلم الـ حد المعين ده ... !!
لكن أكيد هـ يبقى شايل قوي من ناحيته و هو بيعامله ..
لانه فـ النهايه قلب إنسان ...
و الأدهى من كده ...
إن الـ حد المعين ده عارف ان القلب القاسي زعلان و أكيد عارف من ايه ..
بس بينتهز أي فرصه عشان يرجع الصداقه اللي بينهم ...
و المشكله بقى لو الـ حد المعين ده مـ النوع اللي بيلزق ... !!
مجرد رديت عليه أو كلمته ربع كلمه ..
مـ بيصدق و بيفتكر ان كل حاجه عدت و انتهت خلاص ..
و المصيبه بقى إن القلب (اللي المفروض انه قاسي) كله بيجي على دماغه ..
ولا هو عاتب حتى الـ حد المعين ...
ولا هو عارف يتجنبه ...
و لا هو بيعامله و هو صافي من ناحيته ...
رغم انه مش بيبقى عايز يتعامل معاه أصلاً ...
بس مجبر انه يتعامل .. هـ يعمل ايه يعني .. ؟؟!!
أول مره اشوف حد بيبقى مجبر انه يتعامل مع حد ...
بس يمكن مع الشخصيات اللازقه .. لااازم ... !!
و المصيبه بقى انه فـ ايده ينهي التعامل ...
بس مش قادر يجرح قلب حد ...
رغم انه جرحه ... !!
و يرجع فـ الاخر يكتشف ...






ان عمر قلبه مـ كان قاسي .. !!